بالفيديو| سالي عبد السلام تبكي على الهواء.. لهذا السبب
دخلت المذيعة سالي عبد السلام في نوبة بكاء على الهواء خلال تقديمها لحلقة برنامجها “قصة حقيقية”، والذي يذاع على شاشة التليفزيون المصري، وهو ما جعلها تحتل تريندات مواقع التواصل الاجتماعي.
وكشفت عبد السلام أنها دائما ما كانت تبكي قبل حلقات برنامجها، ومع ذلك كانت تتمالك نفسها قبل الخروج إلى الجمهور، موجهه الشكر لفريق عملها ولأسرتها وللجمهور على قصصهم، وعلى تفاعلهم مع برنامجها.
وأعلنت “عبد السلام” أن فرحها المقرر له الإقامة هذا الشهر لن يكتمل معلقة “كنت ممنية نفسي إني هكتب كتابي وأتجوز الشهر ده، بس الموضوع ممشيش ومحصلش نصيب، لأن أغلبية اللي بنعرفهم مبقوش قد المسؤولية ومبقوش رجالة ومبقوش يستاهلوا”.
وأضافت عبد السلام قائلة “كلنا قصص وربنا أداني رزق كبير، ورضاني وله الحمد حتى ترضى، حاجات كتير اتاخدت مني، بعد ما كنت ممنية نفسي في الوقت ده، وكنت ببني، وكل ما اتكلم مع حد أبكي، بس أنت عوضتني يا الله”.
واختتمت مذيعة برنامج “قصة حقيقة” حديثها موجهه كلامها للجمهور “شكرا على ثقتكم وشكرا على جبر خاطركم، وشكرا إن كل الناس اللي حواليا بتساعدني وبتحبني، وكل الناس اللي حواليا رزق، وشكرا لأهلي، أنا النهاردة هنام مبسوطة بعد ما عرفت رقم المتابعين على السوشيال ميديا ورسائلهم اللي بيبعتوها ليا، كل ما تحس إنك مش قادر ساعد الناس أكتر، متقولش مش عايز أسمع هموم، قوم أقف على رجلك وأنت موجوع وبتقطع وساعد الناس، محدش يستاهل غير أهلنا واللي قلبه علينا”.
شاهد الفيديو
