شاهد..السقا يرد على هجوم مها أحمد عليه
بعد هجمها العنيف على النجمين أحمد السقا، وأمير كرارة، واتهمهما بإنكار العشرة ، ووصفهما بأنهما مخادمتية للفنانة الشابة مي عمر، في مسلسل “نسل الأغراب”.
ردت فاطمة السقا شقيقة الفنان أحمد السقا على الفنانة مها أحمد والتي هاجمت فيه نجمين من زملائها في الوسط الفني دون ذكر أسماءهما.
وقامت فاطمة بالإشارة لمها أحمد عبر صفحتها بـ”فيسبوك”: “الكلام ده موجه ليكي يا أستاذة، بدل ما تفضلي تمسحي ردي كل شوية أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللي مش عارفة تقولى اسمه بس عرفتى تقولى عليه (ندل) اللي هو أحمد السقا”.
وأضافت: “بس أنا بقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف.. وأمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش في الحقيقة كفايا دراما وتشويه للناس”.
وتابعت: “وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده.. نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال”.
علقت السيدة نادية والدة السقا على ما قالته مها أحمد صباح اليوم،وكتبت عبر صفحتها بـ”فيسبوك”: “ع الأصل دور .. كومبارس فاشلة تتطاول وتسب فنانين كبار .. وتعلق فشلها عليهم .. تبحث عن الشهرة بطريقة بذيئة .. مهما حاولتي يا كومبارس ليس لك مكان بين الفنانين المحترمين .. وان طلع العيب من أهل العيب ما يبقاش عيب”.
