ختان الإناث مش عفة.. منى زكي توجه رسالة قاسية الأمهات
وجهت الفنانة منى ذكي رسالة قوية للامهات في اليوم العالمي للقضاء على الختان.
وكتبت « ذكي» على موقع تبادل الصور والفيديوهات انستجرام قائلة” مفيش أم تقبل على بنتها حاجة تضرها، بس فيه أمهات لحد دلوقتي مش مدركين قد إيه جريمة بشعة زي ختان البنات بتيجي على كرامة وصحة وحياة بناتهم”
وأضافت منى ذكي قائلة : “ختان البنات مش عفة ولا أي حاجة من الكلام ده، وللأسف فيه أهالي كتير فاكرين إنهم لو عملوا “ختان طبي” لبناتهم يبقى كدة عملوا اللي عليهم، انتى اكتر واحدة عارفة مصلحة بنتك، وأكتر واحدة تقدرى تحميها من جريمة ما يقبلهاش عقل ولا طب ولا دين ولا قانون”.
وانهت حديثها قائلة: “النهاردة اليوم العالمي للقضاء على ختان البنات، وأنا كسفيرة نوايا حسنة ليونيسف حابة أوعي الناس بالقضية دي، خصوصًا إن ناس كتير لسه متعرفش إن فيه جهة حكومية اسمها اللجنة الوطنية للقضاء على ختان الإناث بقيادة المجلس القومى للمرأة والمجلس القومى للطفولة للتوعية بأضرار ختان البنات، فلو عاوزة تستفسري اكتر أو محتاجة مساعدة علشان تحمي نفسك أو بنتك أو أي بنت تانية من الختان، كلمى خط نجدة الطفل 16000 او خط المرأة 15115”.
View this post on Instagram
وتعد منى ذكي سفيرة نوايا حسنة بمنظمة اليونسف، والتي خصصت يوم السادس من فبراير من كل عام لمناهضة ختان الإناث بوصفه جريمة في حق السيدات.
وقالت دار الإفتاء المصرية والأزهر في وقت سابق أن ختان الإناث جريمة لما له من أضرار نفسية وجسمانية كبيرة تتعرض له الإناث.
